Një tjetër aksident është regjistruar këtë pasditë në qytetin e Korçës ku një motorrçikletë ka përplasur një të moshuar teksa kjo e fundit po kalonte rrugën.
Mësohet se e moshuara është dërguar me urgjencë në Spitalin Rajonal të Korçës nga ku po merr ndihmë mjekësore.
Informacion paraprak
Më datë 07.09.2019, në lagjen nr.7, shtetasi K.N, rreth 49 vjeç, duke drejtuar një motorçikletë tip “Dayang”, ka aksidentuar shtetasen N.L, rreth 76 vjeçe, banuese në Korçë (këmbësore në rrugë), e cila u dërgua në Spitalin e Korçës, aktualisht në gjendje të rëndë shëndetësore.
Drejtuesi i motorçikletës, ndodhet i shoqëruar në Komisariat.
Grupi hetimor po punon për sqarimin e rrethanave të ngjarjes.
Kujtojmë se më herët një tjetër aksident ka ndodhur ditën e sotme në qendër të qytetit të Korçës ku një mjet ka përplasur një motor, drejtuesi i të cilit ka marrë plagë të lehta.
Shkak mendohet të jetë lagështira në rrugë pasi Korça është përfshirë nga reshje të dendura shiu. Po punohet për zbardhjen e shkaqeve të aksidentit.
