Këtë javë është përkeqësuar ndjeshëm moti në vend, duke gjeneruar reshje të shumta shiu dhe dëbore, kryesisht në veri dhe jug të vendit.
Si pasojë e ngricës dhe dëborës, aksidentet rrugore kanë qenë të shumta, me jetë të humbura e të plagosur, si dhe dëme materiale.
Në lidhje me këtë situatë, ka reaguar Task Forca e Transportit Rrugor, nëpërmjet një postimi në faqen zyrtare në ‘Facebook’, ku u bën thirrje drejtuesve të transportit të udhëtarëve të kenë kujdes dhe të qarkullojnë brenda normave të lejuara.
Postimi i plotë
SENSIBILIZIM
Duke marr shkas nga situata e rënduar e terrenit, Task Forca e Transportit Rrugor bën thirrje për të pasur kujdes çdo Operator transporti udhëtarësh / Operator transporti mallrash në lidhje me sigurinë rrugore.
Terreni i lagësht dhe i akullt krijon vështirësira për qarkullimin e mjeteve të të gjitha llojeve.
Mendoni edhe për udhëtarët, ata kanë të drejtë të udhëtojnë të sigurt.
Mundohuni të qarkulloni brenda normave të qarkullimit rrugor!
Udhëto i Sigurt!
