Policia Rrugore i ka bërë thirrje të gjithë drejtuesve të mjeteve që të eliminojnë shpejtësinë, përdorimin e celularëve të vendosin rripin e sigurimit dhe të mos përdorin alkool gjatë drejtimit të automjetit, pasi gjendja në disa akse rrugore paraqitet e rënduar si pasoje e reshjeve të dendura të dëborës.
Gjithashtu në dispozicion të çdo qytetari që mund të ketë nevojë për ndihmë janë në dispozicion numrat e telefonit 112 dhe 129.
Me anë të një deklarate për shtyp Drejtori i Policisë Rrugore Ardi Veliu tha se janë marrë masa që në të gjitha akset rrugore ku ka prezencë akulli apo dhe prezencë bore të ketë shërbim 24 orë për pastrimin e rrugëve, duke u mbështetur dhe në shërbimet e përgjithshme.
