Ministri i Mbrojtjes, Niko Peleshi ka dhënë detaje per dëmet e shkaktuara dhe masave të marra sa i përket sigurimit të qytetarëve të cilët mund të mbeten të izoluar për shkak të reshjeve të shumta të shiut.
Peleshi tha se nuk pritet të ketë përmbytje gjatë 2 apo 3 ditëve të ardhshme. Ndërsa më tej shtoi se më e keqja kishte kaluar por që gjithsesi nuk dihej sesi mund të shkonte situata me përmbytjet në veri të vendit.
Ministri i Mbrojtjes, Niko Peleshi:
“Në pjesën veriore ujrat vazhdojnë gjatë në kaskadën e Drinit rrezikojnë përmbytje të mëdha. Në pjesën juglindore, kemi Vjosën, është lum i egër. Në raste të reshjeve të mëdha rrezikon që të dalë nga shtrati. Në këto 2-3 ditë nuk do të kemi përmbytje të shtuara. Në pjesën jugperëndimore, do të ketë reshje edhe në Greqi. Mund të kemi dalje. Të gjitha strukturat tona janë të gatshme deri në nivel vendor. I kërkojmë që të jenë gjithmonë të gatshëm. Nuk dua të krijoj panik. Nuk presim përmbytje të mëdha. Por e dini që në veri kemi zona depresive siç është Oboti.
Edhe vetëm për shkak të reshjeve, jo të shkarkimeve të shtuara. Do të ketë reshje bore. Por ARRSH, është në gatishmëri, nuk kemi probleme në asnjë aks rrugor. Kur bora është e jashtëzakonshme ka zënie të përkohshme. Do të jem i hapur dhe shumë pranë jush në ditët në vijim, derisa të dalë dimri. A kanë vendorët për të menaxhuar situata të vështira? Ka qenë një gusht…nuk është situata njësoj, nuk janë të gjithë aq të përgjegjshëm. Zjarret kanë qenë të egra edhe në krahasim me të kaluarën.
Kemi shmangur më të keqen. Ka pasur sipërfaqeje të djegura, por kemi shpëtuar parqet e Voskopojës dhe Llogarasë. Kemi shmangur më të keqen, sistemi i mbrojtjes civile nuk i përket vetëm një institucioni, duhet të reagojnë zinxhirë të gjithë. Fronti duhet të menaxhohet nga pushteti vendor. Me natyrën nuk haet dot një shtet *nis e qesh, se mu kujtua dikush. Ka raste kur pushteti vendor nuk e përballon i vetëm. Gjatë stinës që vjen, pushteti vendor është i gatshëm, nuk janë të gjithë njëlloj, ka edhe nga ata që i marrin me vonesë xhirot”.
