Kryetari i Partisë Demokratike, Lulzim Basha, i ka bërë thirrje kryeministrit të shpallë gjendjen e emergjencës.
Basha inspektoi sot qytetin e Kuksit ku pa nga afër situatën e krijuar si pasojë e motit të keq të ditëve të fundit, gjendja është e rënduar dhe qeveria nuk ka bërë asgjë për ta përmirësuar atë.
Ndër të tjera ai shtoi se edhe çmimi i druve kanë shënuar record në këto ditë të ftohta.
“Kryeministri të shohë gjendjen në terren. Banorët janë të izoluar dhe në errësirë. Kërkohet një angazhim më i madh nga qeveria. Por, qeveria nuk e merr përsipër emergjencën. Shpreh mirënjohjen më të thellë dhe keqardhjen gjithashtu, për punonjësit e OSHEE të cilët punojnë në kushte ekstreme, ku shpëtohen nga banorët kur rrezikojnë dhe jetën. Kjo tregon se nuk është investuar në këto 3 vite. Qeveria ia ka lënë barrën bashkive, por duhet të kthejë sytë kendej sepse emergjenca nuk ka kaluar. Kjo është një gjendje emergjence dhe qeveria nuk përgjigjet siç i takon, duke shpallur emergjencën”, tha Basha.
