Nga Edi Oga
Do të kisha preferuar ta mbushja të gjithë kohën time të lirë me art, me shkencë, me natyrë, me lojëra, me biseda me miqtë… por për dreq e kam të pamundur të mos harxhoj një pjesë të kohës time me politikën. Ajo nuk të lë ta injorosh, sepse ndikon mjaft në jetën e gjithkujt.
Nga çfarë ndodhi në këto zgjedhje, unë kuptova këto që po ju radhis më poshtë:
1. Mosrealizimi i rotacionit politik pas 8 vitesh në pushtet të një partie, i dha fund epokës së “pseudodemokracisë”, pra idesë mashtruese se po jetojmë në një sistem ku qeverisjen e përcakton populli me vullnet të lirë. Tashmë as më injoranti nuk e beson këtë.
2. Është e pamundur që Partia Socialiste dhe shteti që i shërben asaj, të munden në zgjedhje nga partitë opozitare. E vetmja mënyrë për ta rrëzuar, është lufta e fraksioneve (bandave) brenda saj.
3. Sado të përpiqet Partia Demokratike, numrat nuk do të kalojnë kurrë në favor të saj, sepse me hir apo me pahir, shumica e shqiptarëve e shohin veten të lidhur me partinë që ka në dorë shtetin!
4. Jam totalisht kundër asaj që mbetet për t’u thënë, por medet, është e vetmja..!
Kaq me politikën për këtë javë.
Koha jashtë është shumë e mirë për një shëtitje! Fundjavë të këndshme!
