Mori ryshfet dhe kërkoi favore seksuale, Prokuroria jep pretencën për gjyqtarin Roland Hysi

Prokuroria për Krimet e Rënda ka dhënë sot pretencën për gjyqtarin e Fierit Roland Hysi, i cili akuzohet për veprën penale të korrupsionit dhe shfrytëzimit të detyrës për favore seksuale.
Kujtojmë se gjyqtari Hysi ka përfituar ryshfet në shumën e 500 eurove si dhe ka kërkuar favore seksuale ndaj një gruaje, e cila ka qenë palë në një proces, që drejtohej nga Hysi.
Për shkak të gjykimit të shkurtuar, gjyqtari i Fierit përfiton një të tretën e dënimit dhe si rrjedhojë organi i akuzës kërkoi dënim plotësues për të, duke kërkuar që ai të mos ushtrojë poste publike për tre vitet e ardhshme.