“Këngën ia dedikoj nënës sime, gruaja që më mësoi mos t’i bindem asnjëherë dhunës”. Kështu është shprehur kantautori shqiptar Ermal Meta për këngën e tij “Vietato morire” (E ndaluar të vdesësh).
Në një intervistë për mediat Italiane këngëtari shqiptar tregoi se nga mori frymëzimin për të bërë këtë këngë.
“U frymëzova nga një histori e vërtetë dhe fjalët e kësaj kënge i shkrova për të dhënë një mesazh, që mos t’i bindesh e mos t’i nënshtrohesh kurrë çfarëdolloj dhune” tha Ermal Meta.
35-vjeçari shqiptar doli i treti në festivalin e muzikës italiane Sanremo, ndërsa mori edhe një nga çmimet më prestigjioze të këtij festivali, atë të kritikës, “Mia Martini”.
