Bashkia e Tiranës ka nisur një aksion për rehabilitimin e monumenteve që janë kthyer në një vend të grumbullimit të mbeturinave.
Specialistët e Bashkisë së Tiranës po rikthejnë në identitet zonën e memorialeve në Parkun e Madh.
Monumenti i vëllezërve Frashëri, Memoriali i Ushtarëve të Komonuelthit të rënë në Shqipëri apo i personaliteteve të njohura janë riparuar tërësisht, duke nderuar jo vetëm sakrificat që ata kanë bërë, por njëkohësisht duke treguar tek turistët e shumtë që vizitojnë vendin tonë kulturën dhe krenarinë tonë për të shkuarën.
