Mjeku kirurg në spitalin e Beratit, Edi Bejko ka bërë një thirrje të fortë për orientimin e kujdesit shëndetësor edhe për kurimin e sëmundjeve të tjera, të cilat po rrisin rrezikun për qytetarët, ndërkohë që e gjithë vëmendja është tek Covid-19.
Përmes një postimi në Facebook, Bejko shkruan se po ikin njerëz në heshtje nga sëmundje të tjera, dhjetëra apo qindra herë më vrastare se koronavirusi.
“Përshendetje miqtë e mi..!! More po çfarë bëhet kështu??
Jemi ngulur tek corona në mendime, në veprime, në pasoja dhe nuk po meremi me aspekte të tjera të veprimtarisë dhe sëmundshmërisë njerëzore..!
Në një periudhë të shkurtër përgjat këtyre javëve si mjek, kam diagnostikuar shumë individë me semundje terminale malinje, aq sa nuk kam parë për një periudhë të gjatë kohore..
Arsyeja?? E thjesht..!!
Të gjitha antenat mediatike shtetërore dhe sociale janë drejtuar vetëm te covidi..
Të gjithë individët të tmeruar nga llomotitja e vetme për “covidin” ngado nëpër ekrane, rrjete sociale apo zyrtare janë frenuar për tu paraqitur sa më herët pranë mjekut specialistit , në vendin përkatës..
Ik nga shiu ..bjer në breshër.!!
E pranueshme kjo?? Sigurisht deri diku..
Por nuk kuptoj pse veprohet kështu në mënyrë absolute se a thua që mbi organizmin njerzor vepron vetëm covidi..??
Stopojeni për një moment atë trurin tuaj ndaj “magjepsjes” për coronën..!!
Po ikin njerëz pa u kuptuar ashtu në heshtje nga sëmundje të tjera, dhjetra herë apo qindra herë më vrastare se corona… Satistikat janë kokëfortë..
Do bashkëjetojmë me këtë lloj Sarsi ashtu siç rëndom jemi mësuar të jetojmë me patologjitë malinje të ndryshme abdominale apo pulmonare..infarktin e myocardit..insultin cerebral..gripet e ndryshme..sëmundjet e gjakut…diabetin..aksidentet trombotike vasculare ..hepatitet…cirrozat..etj etj..
Mereni më shtruar o njerëz atë përpunimin e informacionit që ju atashohet në laboratorin tuaj trunor..!!
Mos lejoni që ky virus të bëhet padron i mendimit dhe i veprimtaris së jetëve tuaja pasi asnjë dhe asgjë nuk e përligj numrin e vdekjeve të ngritura në piedestal për këtë pandemi në rang botëtor( apo dhe shqiptar) në raport me numrin morfologjik të sëmundjeve të tjera të cilat shfaqen edhe më vrastare për jetët tona..!!
Rëndësi ka të kujdesemi edhe për semundjet e tjera, ashtu si dhe për covidin ..pa e ulur vigjilencën..!! Këtu e kisha të shkretin e muhabetit….pa ju lodhur kuptohet..!! “, shkruan Bejko.
