Ministria e Shëndetësisë bëri të ditur se gjatë ditës së sotme janë konfirmuar 25 raste të reja me Covid-19 në vend dhe këto raste ishin në Laç dhe në Krujë.
Nga Fasoneria e Kurbit janë gjithsej 50 të infektuar të cilët ndodhen në shtëpi të vetkarantinuar, deri më tani në gjendje të mirë shëndetësore.
Mjeku Agron Lala nga urgjenca e spitalit të Laçit është shprehur se deri më tani, nuk është paraqitur asnjë pacient me simptoma të rënda.
“Rastet janë të izoluara nëpër shtëpitë e tyre. Në urgjencën e spitalit tonë, nuk është paraqitur asnjë rast për ta trajtuar apo menaxhuar ne. Megjithatë ne kemi të gjitha pajisjet e nevojshme, si dhe pajisjet që janë për t’u mbrojtur nga Covid-19, të cilat na shërbejnë, që po na u paraqit ndonjë rast, ne mund ta menaxhojmë sipas standarteve mjekësore. Për këtë arsye ne kemi bërë edhe një riorganizim. Kemi krijuar edhe një çadër ku bëhët triazhi, para se të futen në urgjencë, i verefikojmë në një çadër”, u shpreh Lala.
Mjeku thotë gjithashtu se deri më tani, nuk ka as raste të rënda mes të infektuarve.
