Ministrja e Arsimit, Sportit dhe Rinisë Besa Shahini përmes një postimi në rrjete sociale ka bërë të ditur disa statistika për leksionet online në universitete deri më datë 25 mars.
Shahini njofton se 49,400 studentë po ndjekin leksionet online nga pedagogët e tyre ndërsa përgëzon universitetet që ndërmorën menjëherë masa për të vijuar punën me studentët e tyre në kushte shtëpie.
“Tashmë, sfida për universitetet është të përfshihen TË GJITHË studentët në mësimin online”, – mbyll mesazhin e saj Ministrja Shahini.
