Çerdhet, kopshtet dhe shkollat do të vijojnë të jenë të mbyllura deri në datën 16 janar.
Përmes një udhëzimi të dytë, Ministria e Shëndetësisë ka kërkuar shtyrjen me 1 javë të nisjes së mësimit.
Sipas Ministrisë së Shëndetësisë kjo masë merret për të parandaluar përhapjen më tej të virozës së gripit, e cila e ka çuar vendin në një situatë emergjence.
Institucionet arsimore ishin parashikuar të hapeshin në datën 4 janar, por u shtynë si pasoje e gripit.
Ministri, Ilir Beqaj, ka kërkuar që të shmangen sa më shumë qëndrimet në vende të mbyllura e me njerëz të grumbulluar, pasi një situatë e tillë do të favorizonte hapjen e virusit.
