Ministria e Shëndetësisë ka njoftuar ditën e sotme se që nga fillimi i epidemisë deri më sot janë konfirmuar pozitivë me COVID-19 në të gjithë vendin 803 qytetarë, por aktualisht 68% e tyre janë shëruar.
Aktualisht në të gjithë vendin janë 229 persona aktivë me COVID-19. Zonat me më shumë raste aktive janë Tirana me 93 raste dhe Kruja me 87.
Pjesa më e madhe e të prekurve po ndiqen nga mjeku i familjes ose janë asimptomatikë, ndërsa momentalisht në dy spitalet COVID, në spitalin infektiv dhe spitalin “Shefqet Ndroqi” gjendja paraqitet e qëndrueshme.
Aktualisht janë të shtruar 34 pacientë dhe vetëm 7 prej tyre janë në terapi intensive.
