Ministria e Bujqësisë është zgjuar nga gjumi pas shpërthimit të gripi i pulave, e cila ka hapur një garë për dhjetëra vende për veterinerë në disa qarqe të ndryshme të vendit, nga Veriu në Jug. Në njoftimin e Ministrisë së Bujqësisë, bie në sy fakti që kërkesat e të gjithë kandidatëve të interesuar do të pranohen nga data 24 mars 2022 deri më 31 të po këtij muaji, çka tregon se procesi ka nisur së fundmi. Me shumë gjasa pas shtimit të rasteve të gripit të shpendëve.
Deri më tani kërkohen rreth 28 veterinerë nëpër 47 njësi administrative, në Shkodër, Malësi e Madhe, Pukë, Lezhë, Has, Mirditë, Kukës, Librazhd, Has, Kolonjë, Devoll, Berat, Skrapar, Sarandë, Vlorë Përmet, Mallakastër etj.
Por gjithë ky fluks kërkesash tregon edhe diçka tjetër, që në fakt deri më tani nuk ka pasur veterinë në këto zona, çka ka sjellë edhe “lulëzimin” e gripit të shpendëve në vendin tonë, sepse mesa duket nuk ka pasur një person adapt që t’i kontrollojë.
