Ministria e Arsimit ka njoftuar se zëvendësimi i orëve të mësimit, për shkak të gripit dhe të motit të keq, do të bëhet në muajin mars.
“Nxënësit do të zhvillojnë 2-3 orë mësimi më shumë dhe situata po menaxhohet nga Ministria e Arsimit“, ka deklaruar drejtoresha e arsimit parauniversitar, Zamira Gjini.
“Në muajin mars nis zëvendësimi i orëve të humbura mësimore. Nxënësit do zhvillojnë 2-3 orë më shumë mësim në ditë. Nuk ka asnjë gjë për t’u shqetësuar, situata do të menaxhohet dhe po menaxhohet me sukses nga ministria e Arsimit.”
Urdhri për mbylljen e shkollave është dhënë deri në datën 16 janar, por kjo do të varet edhe nga situata e motit.
