Ministri i Punëve të Jashtmë të Turqisë, Mevlut Çavusoglu, është për vizitë në Kosovë ku ka takuar ministren e Punëve të Jashtme të Kosovës Donika Gërvalla dhe presidenten Vjosa Osmani. Çavusoglu është pritur në takim edhe nga kryeministri Albin Kurti.
Pas takimit përmes një shkrimi në rrjetin social Twitter, Çavusoglu deklaroi se me kryeministrin kosovar biseduan rreth bashkëpunimit mes qeverisë së Kosovës dhe qeverisë së Turqisë. Çavusoglu tha se Kurtit i ka përmendur edhe kërcënimin që paraqet organizata e FETO-s.
“Diskutuam modalitetet për ta avancuar bashkëpunimin tonë me kryeministrin e Kosovës, Albin Kurtin. Theksova kërcënimin që paraqet organizata terroriste e FETO-s”, shkruan kryediplomati turk.
