Është përfshirë nga flakët një sipërfaqe të konsiderueshme pyjesh në Malin e Bardhë.
Teksa vendi nuk gjen qetësi nga flakët dhe janë duke u djegur hektarë të tëra tokë, Ministri Niko Peleshi refuzon të vërë në punë helikopterët që përdoren në raste të tilla emergjence, ndërsa kanë qenë banorët ata të cilët po përpiqen të shuajnë flakët.
Me mjete rrethanore ata po përpiqen të vënë zjarrin nën kontroll në mënyrë që flakët mos përhapen më tej.
Kujtojmë se zjarret në vendin tonë kanë qenë mjaft problematike përkatësisht në zonën e Vlorës, Lezhës dhe Krujës. Zjarret e mëdha të favorizuara nga era kanë përpirë toka me të mbjella dhe ndërhyrja në disa zona për shkak të terrenit ka qenë mjaft e vështirë. Në disa zona, më konkretisht Krastë të Krujës, Mali i Çikës në Vlorë dhe disa fshatra në Lezhë zjarret kanë qenë të qëllimshme. Ndërkohë, zjarre ka patur edhe në zonën e Fierit, Lushnjë, Shkodër, Durrës por edhe në Gjirokastër. Lufta me ‘flakët’ është prezentë edhe në Evropën Perëndimore ku shumë në shumë shtete zjarri ka ‘përvëluar’ tokat. Kulmi ka qenë në Britaninë e Madhe ku temperaturat shënuan shifra rekord dhe mjaft shqetësuese.
