Ministri i Brendshëm italian Marco Minniti, ka përcjellë një mesazh të rëndësishëm në kuadër të operacioneve kundër trafikut të lëndëve narkotike.
Nga Pallati i Kongreseve, ministri italian theksoi se Shqipëria dhe Italia duhet të godasë trafikantët e drogës dhe “të paprekshmit”.
Ora 12:00 Kreu i Guardia di Finanza, Giorgio Toschi ka prezantuar raportin për kultivimin e kanabisit në vendin tonë.
Toschi bën me dije se gjatë vitit 2017 janë sekuestruar në brigjet italiane 33 ton lëndë narkotike, me një rritje të trafikut prej 116% krahasuar me një vit më parë.
“Sipërfaqet e kultivimit të kanabisit në territorin shqiptar kanë rënë, ndërsa shtoi se Guardia di Finanza ka realizuar mbi 129 orë fluturimi nga muaji maj e deri në tetor të këtij viti”.
Ora 11:00 Pas takimit me homologun Fatmir Xhafaj, ministri italian Marco Minniti është pritur nga kreu i shtetit Ilir Meta.
Ora 10:00 Minniti nis vizitën zyrtare, takon Xhafajn
Ministri i Brendshëm i Italisë, Marco Miniti ka mbërritur në Tiranë dhe ka takuar menjëherë homologun shqiptar, Fatmir Xhafaj, në ambientet e ministrisë së Brendshme.
Pas takimit me Xhafën, Miniti do të pritet edhe nga Presidenti, Ilir Meta.
Vizita e ministrit italian ka një rëndësi të veçantë, pasi sot do të publikohet edhe raporti për kultivimin e kanabisit në vendin tonë, gjatë vitit 2017.
Në 11:30, është konferenca përmbyllëse e “Misionit të monitorimit ajror 2017 në luftën anti-kanabis”. Italia ka qenë partneri kryesor në luftën kundër kanabisit, duke dhënë asistencë në fluturimet ajrore në të gjithë Shqipërinë.
