Nga Arben Llalla
Ministri i Jashtëm grek, Nikos Dendias, i cili vjen nesër në Tiranë (me ADN është shqiptar, ndërsa ndërgjegjien e ka greke dhe është antishqiptar).
Ai vjen për kërcënime dhe shantazhe, ashtu siç kanë ardhur me dhjetra kryeministra, ministra e deputetë grekë që AND-në e kanë shqiptare, por ndërgjegjien antishqiptare.
Nikos e ka mbiemrin e vërtetë Dede. Ai është është me origjinë nga fshati Ilias që ndodhet midis Vunoit dhe Himarës. Rrënja e herëshme e fisit Dede është nga veriu i Shqipërisë.
Babai i Nikos quhej Spiro dhe në zyrën e tij si kryetar i Dhomës së Tregtisë së ishullit të Korfuzit gjithnjë mbante portretin e Skënderbeut, Heroit Kombëtar të shqiptarëve. Diku nga vitit 1994 gazetari Nebil Çika është takuar me Spiro Dede-Dende-Dhendhe dhe kanë biseduar në gjuhën shqipe, gjuhën e zemrën dhe të shpirtit të të gjithë qytetarëve grekë, të cilët janë me origjinë shqiptare, por që racizmi shtetëror i Greqisë ndër vite ka bërë që këta grekë të quajtur herë arvanitas e herë allvani të humbin krenarinë e tyre kombëtare e luftarake.
Sa herë që Greqia dëshiron t’i marrë Shqipërisë ndonjë copë truall apo pasuri natyrore, ajo dërgon misionarët e saj me origjinë shqiptare, që shqiptarët t’i zënë emocionet e herëshme të vëllezërve arvanitas.
Kështu, më 1925, kur kishim problemet e popullsisë shqiptare myslimane Greqia dërgoi si misionar Kondulin, ndërsa në vitin 1984 nisi Papulian, më 1994 dërguan Aristidh Kolën dhe Karolos Papulian, kur marrëdhëniet ishin tepër të acaruara pasi grekët vranë dy oficerë shqiptarë në Peshkëpi.
Këtë herë po dërgojnë Deden Nikos për të grabitur 12 milje detin Jon.
Hapi sytë shqipo, se greku grek mbetet. Antishqiptarët më të mëdhenj janë grekët, më të këqinjë janë shqiptarët e asimiluar, vasalët.
