Pala greke lufton me çdo mjet Çamërinë. Një ditë pas publikimit të detajeve nga marrëveshja që cënon Shqipërinë thuajse në çdo aspekt, Ministri grek i Mbrojtjes, Panos Kammenos vijon të ritheksojë epërsinë e fqinjëve ndaj palës sonë.
Kammenos ka mohuar kategorikisht që në marrëveshje të negociohet për Çështjen Çame pasi sipas tij, çamët janë kriminielë lufte.
“Duke marrë shembullin e varrezave mund të themi që Shqipëria po fillon të kuptojë se është në të mirë të saj të ketë marrëdhënie të mira me Greqinë. Sa i përket Vorio-Epirit, është një rajon i populluar nga grekët. Pakica do të mbrohet. Ndërsa çfarë pritet të diskutohet me pretendimet pronësore nuk kanë lidhje me Çështjen Çame. Çamët janë kriminelë lufte që bashkëpunuan me nazistët dhe ne nuk do të negociojmë me kriminelë.”, shprehet Panos Kammenos.
