Fondi Monetar Ndërkombëtar nuk do të marrë më pjesë në një program shpëtimi për Greqinë.
Në një intervistë për të përditshmen greke “Ta Nea” ministri gjerman i Financave, Wolfgang Schauble, i njohur për ashpërsinë e tij në çështjen e ristrukturimit të borxhit grek, ka deklaruar se tashmë është rënë dakord mes FMN-së dhe kreditorëve të tjerë të Greqisë, që programi i tretë grek do të jetë i fundit ku Fondi Monetar Ndërkombëtar merr pjesë.
“Kreditë ndërkombëtare akorduar Greqisë që prej shpërthimit të krizës së borxhit në vitin 2010 dhe shoqëruar me masa shtrënguese, kanë dhënë rezultate, por jo zgjidhje të problemit”, shprehet ministri gjerman.
FMN për momentin refuzon të japë para nëse zona euro nuk vendos të lehtësojë borxhin, i cili aktualisht ka arritur në 180% të PBB-së të Greqisë.
