Presidenti serb Aleksandër Vuçiç konfirmon ardhjen e presidentit të Malit të Zi, Milo Gjukanoviç në Samitin e Mini-Shengenit në Tiranë.
Presidenti i Serbisë, Aleksandar Vuçiç, ka thënë se është i lumtur që në takimin e ardhshëm të mini-Schengenit në Shqipëri do të ketë edhe përfaqësues të lartë ndërkombëtarë.
“Jam i kënaqur që presidenti i Malit të Zi do të vijë në Tiranë. Dua të besoj që në të ardhmen ka mundësi që kjo lidhje e tri vendeve, Serbisë, Shqipërisë dhe Maqedonisë Veriore, jo një union politik, por para së gjithash në ekonomi dhe tregti, mbështetje e qytetarëve dhe lirisë së lëvizjes, ta zgjerojmë.
Dua të deklarohem disi ndryshe nga disa zyrtarë serb. Interes vital është paqja për Serbinë dhe do bëjmë gjithçka ta ruajmë. Kur kam folur, nuk ka qenë një pajtueshmëri domethënëse, ka qenë një bashkim i imi me Listën Serbe që vepra verbale të mos dënohet me burg si në rastin e Zotri Teodosijeviç, atëherë reaguan 4 ambasada pasi nuk mund të pajtohen me një qëndrim ndryshe. Ata heshtin kur në Jasenovaç, tani vend I BE-së (Kroaci), na thonë që nuk është bërë gjenocid. Këtu nuk bëhet fjalë për Recakun për vrasjen e 100, dhjetëra, apo qindra njerëz. Është fjala për rreth 40 njerëz, për të cilët për një pjesë ne themi që kanë qenë pjesëtarë të UÇK-së dhe ata jo”, u shpreh Vuçiç.
