“Mund t’u bëjnë dëm të madh bankave në Shqipëri
Ministërja e Ekonomisë Milva Ekonomi ka deklaruar se me dy kompanitë e mëdha tashmë në process falimenti duhet treguar një kujdes i madh. Sinjalet e rrezikut që i vijnë ekonomisë nga zhvillimet me këto dy kompani Ekonomi I ka paraqitur gjatë një interviste të dhënë në televizionin OraNeës. Sipas Ekonomit: “Ka nevojë për ristrukturim dhe ka nevojë të hidhet me kujdes çdo hap që bëhet me këto kontrata. Do na kthehen në bumerang financiar dhe do t’i bëjë një dëm të madh bankave në Shqipëri. Për të dyja rastet, ne kemi ngritur grupe pune që ta shikojnë me shumë kujdes dhe ka nevojë ta shikojnë ekspertë financiar dhe juridikë se si do të dalim nga këto raste. Ka të bëjë me situatën e brendshme”.
Edhe guvernatori i Bankës së Shqipërisë ka folur një ditë më parë për këto dy kompani. Ai deklaroi se nëse në një skenar negative, KURUM falimenton, kredia e keqe ndaj bankave do të rritej me 1 për qind.
