Milani evitoi më të keqen në ndeshjen e djeshme në shtëpi ndaj Frosinones, që përfundoi në barazim 3-3. Menez ka shënuar me një 11 metërsh, duke plotësuar një përmbysje të skuadrës së tij (Frosinone ishte në avantazh 0-2 dhe 1-3), nëse kjo mund të quhet e tillë. Dhe në fund, për formacionin e Brokit u rezervuan vërshëllima pafund, ndërkohë që skuadra ka humbur edhe vendin e pestë në tabëlën e klasifikimit, që tashmë e ka zënë Sasuolo, si dhe është jashtë Europës. Më keq se kaq nuk kishte se si të shkonte, ndërsa tifozët prej kohësh nuk e kanë më vetëm me skuadrën, por janë drejtuar kundër presidentit Berluskoni, i cili për t’u kthyer sërish i suksesshëm së bashku me Milanin e tij duket mision i pamundur. Edhe për Balotelin nuk kanë fund ditët “jo”, ndonjëherë edhe jo vetëm për fajin e tij. Ka humbur një penallti pak përpara golit të Bakas, si dhe mund t’i jepte tri pikët skuadrës, por topi i goditur prej tij u përplas në traversë… dhe kështu mbaroi një tjetër sezon i dështuar.
