Djali 17 vjeçar i Michael Schumacher, Mick Schumacher ka shumë të ngjarë të bëhet pjesë e Mercedes. Ai ka të ngjarë që të përfshihet në akademinë e skuadrës gjermane në vend të Esteban Ocon i cili vitin e ardhshëm do të garojë me “Force Indian”.
Sipas “Kolner Express”, Mick Shumacher në 2017 do të garojë në Botërorin e Formula 3. “Kolner Express” publikoi edhe një foto të Mick Shumacher të veshur me një xhaketë të Mercedes F1 gjatë një eventi në Sindelfingen, një qytet që është shumë pranë Stuttgartit.
“Shumë shpejt kjo lëvizje do të bëhet zyrtare, por në këtë moment askush nuk dëshiron të konfirmojë këtë lajm”, shkruan tabloidi gjerman.
