Nga Eljan Tanini
Ende vazhdojnë dyshimet se çfarë bëri Nënë Tereza për Shqipërinë!
Ndërkohë, serbët po ta kishin të tyren një figurë të tillë mund të ndryshonin edhe emrin e shtetit e të quheshin Terezska.
Po të ishte Nënë Tereza bullgare, vetë Kisha Orthodhokse Bullgare do të ishte kujdesur për imazhin e saj.
Po të ishte Nënë Tereza rumune, vetë romët do e shpallnin mbrojtëse të tyre. Si detyrim, shteti rumun do të merrte masa që ajo të kthehej në simbol kombëtar, por edhe si mbesë gjaku e Drakulës.
Po ta kishin sllovenët, do e bënin simbol kombëtar bashkë me një statujë më të madhe se ajo e Krishtit në Brazil.
Po të ishte Nënë Tereza kroate, do t’i kishin ngritur një muze të ri me të gjitha sendet personale, dhe nuk do ta bënin këtë gjë në një hapësirë të vjetër. Statuja e saj do të ishte vendosur në kodër ose mal, do të ishin shpallur rrugët dhe netët e pelegrinit drejt veprës.
Po të ishte Nënë Tereza boshnjake, do të bëhej shenjtorja që mbrojti Bosnjën nga lufta.
Po të ishte Nënë Tereza malazeze, nuk e di se çfarë mund të bënin këta! Booo!
Po të ishte Nënë Tereza puro maqedonase, mbase portretin e saj ata mund ta bënin edhe flamur kombëtar bashkë me simbolet e saja.
Po të ishte Nënë Tereza greke. Uhhhh, këtu do ishte bërë çdo gjë e mundur që ajo të ishte mbase edhe më e rëndësishme se vetë Kisha Greke.
Nënë Tereza është shqiptare. Dhe ne meZi e duam, dhe ne refuzojmë ta njohim.
