Meteorologët japin alarmin: Priten përmbytje të mëdha, ja qytetet që rrezikohen

Instituti i Gjeoshkencave, Energjisë, Ujit dhe Mjedisit parashikon përmbytje në disa qytete nesër dhe pasnesër, si pasoje e reshjeve intensive që do të bien në të gjithë territorin e vendit.

Reshjet maksimale pritet t’i kalojnë vlerat e 100 mm në 24 orë, duke shkaktuar përmbytje në qytete si Tirana, Lezha, Durrësi, Korça, Berati, Vlora, Fieri dhe Gjirokastra.

PARASHIKIMI
Nga llogaritjet PARAPRAKE këto reshje priten të sjellin përmbytje në lumenjtë e mëdhenj, përveç vërshimeve të lumenjve të vegjël dhe përmbytjeve urbane në varësi të gjendjes së kanalizimeve në qytetet kryesore (Tiranë, Lezhë, Durrës, Korçë, Berat, Vlorë, Fier dhe Gjirokastër).

Qarqet më të rrezikuara janë Fieri dhe Vlora. Ka mundësi të lartë për përmbytje në basenet e lumenjve Vjosa dhe Seman.

Gjithashtu edhe lumi Shkumbin mund të shfaqë përmbytje përgjatë fundit të ditës së Premte (dt. 01 Dhjetor 2017).

RESHJE
Sot pasdite (e martë, dt.28) nuk priten reshje, ndërsa nesër (e mërkurë, dt.29) priten reshje në të gjithë territorin kryesisht pasëdite dhe gjatë natës. (siç tregohet në tabelë, respektivisht për secilin qark).

TEMPERATURAT
Nesër (e mërkurë, dt.29) temperaturat minimale dhe maksimale të ajrit pritet të arrijnë:

në bregdet: 3 °C / 12 °C

në vendet e ulta: -2 °C / 12 °C

në vendet malore: -6 °C / 6 °C.

ERA
Sot (dt.28) pritet të fryjë mesatare në të gjithë territorin.

http://www.balkanweb.com/site/harta-parashikimi-i-igjeum-priten-permbytje-te-medha-ja-qytetet-qe-rrezikohen/