Kreu i partisë së Lirisë, Ilir Meta është përgjigjur lidhur me pyetjen e bërë mbi diskutimin që pati brenda selisë së PD-së me ish kryeministrin, Sali Berisha. Meta tha jashtë dyerve të Presidencës se në qendër të diskutimeve me Berishën kishin qenë protestat dhe zgjedhjet e ardhshme lokale.
“Me zotin Berisha kemi folur edhe për zgjedhjet edhe për protestat. Pra kemi folur për fuqizimin e demokracisë”, tha Meta.
Meta vizitoi në Presidencë Bajram Begajn ku tha se data për zgjedhjet lokale duhet të vendoset sa më shpejt, në mënyrë që sipas tij, qytetarët të shpëtojnë nga “kjo zgjedhë moniste në pushtetin vendor”.
