Presidenti i vendit Ilir Meta ka pritur sot në zyrën e tij liderin e Lëvizjes Vetëvendosje, Albin Kurti.
Përmes një statusi në ‘Facebook’, Meta shprehet se dëshiron që Kosova të jetë një shembull pozitiv në të gjithë rajonin, siç e dëshmoi edhe në zgjedhjet e fundit.
Meta e ka uruar për suksesin e arritur në zgjedhje.
‘Kënaqësi të prisja sot liderin e Lëvizjes Vetëvendosje, z.Albin Kurti dhe ta uroja për suksesin e arritur në zgjedhje.
Uroj që Kosova të ecë në rrugën e forcimit të institucioneve demokratike, që të jetë një shembull pozitiv në të gjithë rajonin, siç e dëshmoi edhe në zgjedhjet e fundit, për standardet demokratike, por edhe për mirëqeverisjen’, shkruan kreu i shtetit.
