Presidenti Ilir Meta e ka kaluar kete fundjavë në Skrapar, ku ka vizituar Kanionet e Osumit.
Kreu i shtetit është ndalur në Bregun e Zabërzanit dhe ka takuar një nga blegtorët vendas. Meta ka ndarë disa foto në Facebook dhe ka vënë në dukje moshën e re të blegtorit.
Ai ka thënë se mbështetja ndaj tyre nuk duhet të mungojë për të shmangur më pas shpopullimin.
“Me Juli Liçollarin, në Bregun e Zabërzanit, një nga blegtorët e rinj të cilët duhen mbështetur më shumë, në mënyrë që të ndalojmë shpopullimin, por edhe pakësimin e blegtorisë në këto treva të mrekullueshme”, shkruan Ilir Meta në Facebook.
