Presidenti Ilir Meta priti sot në një takim Ambasadorin e ri të Kosovës në Shqipëri, Nait Hasani, me rastin e paraqitjes së Letrave Kredenciale.
Meta e uroi për marrjen e detyrës dhe e siguroi Ambasadorin Hasani për mbështetjen e plotë në kryerjen me sukses të misionit të tij në Tiranë.
Presidenti u shpreh se marrëdhëniet dypalëshe mes Shqipërisë dhe Kosovës janë të shkëlqyera dhe vlerësoi se bashkëpunimi midis dy vendeve është stabilizues për rajonin dhe motivues për perspektivën euroatlantike.
“Liberalizimin i vizave për qytetarët e Kosovës është i domosdoshëm, dhe duhet të realizohet sa më parë”, – theksoi Presidenti Meta.
