Në inaugurimin e qendrës së re të tregtimit të produkteve bujqësore në Cërrik, Kryetari i Kuvendit, Ilir Meta, u shpreh se ky investim do të ndikojë në zhvillimin e mëtejshëm të kësaj zone.
“Bashkia e re e Cërrikut ka një avantazh të jashtëzakonshëm për zhvillimin e disa degëve të rëndësishme e në mënyrë të veçantë të bujqësisë dhe agro-përpunimit, industrisë, të turizmit. Falë këtij investimi do të bëjë të mundur që të rriten të ardhurat e familjeve të Sulovës dhe të gjithë Bashkisë së Cërrikut dhe njëkohësisht do të bëjë të mundur që produktet tuaja të njihen akoma më mirë edhe në tregjet ndërkombëtare”, tha Meta.
Meta shprehu edhe një falënderim të veçantë për Italinë, për ambasadorin Cutillo dhe të gjithë ekipin që ka ndihmuar për këtë projekt, por edhe për projekte të tjera që ndihmojnë komunitetet anembanë vendit jo vetëm këtu në Cërrik.
