Presidenti i Republikës, Ilir Meta vlerëson se Shqipëria do të mbështesë përpjekjet e institucioneve të Kosovës për tu riangazhuar në dialogun me Serbinë, të ndërmjetësuar nga Bashkimi Evropian.
Me anë të një postimi në rrjetet sociale Meta shkruan se një dialog konstruktiv midis dy vendeve mund të prodhojë marrëveshjen përfundimtare midis dy shteteve e cila sipas tij është ligjërisht e detyrueshme.
“Shqipëria do të mbështesë përpjekjet e institucioneve të Kosovës për t’u riangazhuar në dialogun me Serbinë, të ndërmjetësuar nga Bashkimi Europian. Një proces konstruktiv ka potencialin të prodhojë marrëveshjen përfundimtare, ligjërisht të detyrueshme, tërësore dhe të zbatueshme, që normalizon plotësisht marrëdhëniet ndërmjet dy vendeve dhe kontribuon për paqen, stabilitetin e perspektivën europiane të rajonit. #BBPTirana”, shkruan Meta.
