Presidenti Ilir Meta, kryeministri Edi Rama, dhe kryeparlamentari Gramoz Ruçi, janë bërë bashkë në homazhet në përkujtim të 5 majit, Ditës së dëshmorëve.
Me rastin e përkujtimit të “Ditës së Dëshmorëve” ata kanë vendosur kurora me lule në memorialin “Nënë Shqipëri”.
Më herët nderimet tek memoriali “Nënë Shqipëri” i ka kryer edhe kreu i demokratëve Lulzim Basha, i cili vendosi një kurorë me lule edhe në nderim të 22 intelektualëve të pushkatuar pa gjyq nga diktatura komuniste pas bombës në ish-ambasadën sovjetike, në simbol të nderimit të opozitarizmit dhe shprehjes së lirë.
