Së fundmi, Mark Zuckerberg po kërkon që të zhvillojë monedha virtuale, të quajtura “Zuck bucks” nga stafi, për përdoruesit e rrjeteve sociale Facebook dhe Instagram si pjesë e një grupi produktesh të krijuara për të reduktuar varësinë e platformave të tij nga reklamat në metaverset e ardhshme.
Sipas medieve të huaja, bëhet me dije se, grupi mëmë i Facebook-ut, Meta, po kërkon që të zhvillojë një sërë produktesh virtuale duke përfshirë tokena dixhital dhe “monedha krijues” për të diversifikuar të ardhurat dhe për të rigjallëruar bazën e tij të përdoruesve, e cila po kthehet gjithnjë e më shumë te rivalët më të rinj siç është rrjeti social TikTok.
Derisa Meta mbetet ofruesi dominues i rrjetit të mediave sociale të ardhurat e saj u rritën 37 për qind në 118 miliardë dollarë në vitin 2021 pasi reklamuesit kërkuan të arrinin 4.9 miliardë përdorues aktiv mujor të Facebook dhe Instagram.
Nga ana tjetër, TikTok ka ndërtuar gjithashtu një biznes masiv pa reklama bazuar në blerjet e aplikacioneve dhe tregtia elektronike.
