Presidenti i zgjedhur Ilir Meta tha se nuk e sheh Edi Ramën kryeministër të Shqipërisë.
I ftuar në emisionin “Të paekspozuarit”, Meta është shprehur se kryeministri nuk reflekton mbi veprimet e tij, përkundrazi vazhdon të jetë arrogant.
“Nuk kam asnjë arsye që ta shoh Z. Rama si kryeministër të Shqipërisë. Unë mendoj se Edi Rama kryeministër është kapitull i mbyllur. Në vend që të bëhet më i hapur, bashkëpunues Rama vazhdon të jetë më arrogant.”-tha Meta.
Meta foli edhe për tranzicionin e kryetarëve të Partisë Demokratike, nga ish-kryeministri Sali Berisha te kryetari i ri, Lulzim Basha.
“Boshllëku që solli ikja e Berishës nuk mund të plotësohej nga boshllëku më i madh që solli ardhja e Bashës në krye të PD”, u shpreh Kryetari i Kuvendit, Ilir Meta. “Boshllëk nga ikja dhe boshllëk nga ardhja”, tha Meta.
