Pak minuta më pas, kryeparlamentari në takimin e përjavshëm të krerëve të e mazhorancës.
Kryetari i Kuvendit Ilir Meta ka shkuar sot në Presidencë për tu takuar me Presidentin Bujar Nishani. Takimi mes kreut të Kuvendit dhe presidentit ka nisur në ora 10:00 , por ende nuk dihen detajet e bisedës mes tyre. Takimi mes dy drejtuesve të lartë të shtetit zhvillohet në një situatë të ngarkuar politike për shkak të mosmarrëveshjeve mes mazhorancës dhe opozitës për Byronë Kombëtare të Hetimit.
Menjëherë pas takimit me presidentin, Meta është drejtuar për te Vila qeveritare atje ku e priste kryeministri Rama për takimin e përjavshëm. Rama shoqërohej nga ministri Ahmetaj dhe deputeti socialist Taulant Balla. Në takim ishin të pranishëm edhe kryetari i PDIU-së, Shpëtim Idrizi, ndërsa Meta shoqërohej nga kryetari i grupit parlamentar të LSI-së Petrit Vasili.
Burime nga takimi thanë se është diskutuar sërish për Reformën në Drejtësi dhe Byronë e Hetimit ku është vendosur që të insistohet në marrëveshjen me opozitën. Krerët e mazhorancës kanë diskutuar rreth një orë dhe pas takimit, asnjëri prej tyre nuk foli për mediat përveç kryeministrit i cili lëshoi batutrën e rradhës për mediat: “sot kemi vendosur të mos flasim, pasi kemi vendosur të ndahemi”.
