Pas vizitës në Elbasan, presidenti i Republikës Ilir Meta është ndalur në Shijak, ku bëri thirrje që procesi i zgjedhjeve të jetë i qetë dhe i lirë, ndërsa i bëri apel qytetarë të shprehin vullnetin e tyre të lirë.
Meta gjithashtu tha se pjesëmarrja në këto zgjedhje është shumë e lartë, duke u shprehur se askush nuk duhet të mungojë në këtë festë të demokracisë.
“Ky është popull me tradita dhe duhet të jetë model në këto zgjedhje. Ftoj të gjithë qytetarët e Shijakut të ruajnë qetësinë dhe të votojnë në mënyrë demokratike. I ftoj të gjithë forcat politike, kandidatët të vazhdojnë në këtë mënyrë sepse kjo ditë që nisi mrekullueshëm dhe duhet të vazhdojë kështu edhe nata. Patjetër që nga një mbarëvajtje e tillë fiton e gjithë Shqipëria dhe japim një mesazh se jemi një popull 100% evropian”, tha Meta ndërsa theksoi se do të jetë në komunikim të vazhdueshëm me qytetarët.
