Presidenti Ilir Meta kthen në Kuvend për rishqyrtim ligjin për prokurimet në fushën e mbrojtjes dhe të sigurisë.
Në njoftimin e publikuar në faqen e presidencës, Meta ka renditur të gjithë argumentet ligjore se pse nuk e ka dekretuar një ligj të tillë të miratuar në Kuvend.
“Pavarësisht qëllimit pozitiv të deklaruar të kësaj nisme ligjore, mënyra e formulimit të disa prej dispozitave që lidhen me shtrirjen e zbatueshmërisë së këtij ligji, cenojn parime të rëndësishme kushtetuese. Mungesa e përcaktimit të qartë të fushës së zbatimit të këtij ligji sa i përket objektit jo shterues të mallrave dhe shërbimeve që mund të prokurohen sipas tij, cenon parimin e lirisë së veprimtarisë ekonomike, barazisë përpara ligjit, me pasojë diskriminimin e operatorëve të ndryshëm në treg, duke rritur mundësitë për dëm ekonomik ndaj financave të shtetit”.
Presidenti vlerëson se ligji krijon hapësira për përdorimin e procedurave që përcakton ky ligj, edhe për mallra e shërbime që jo domosdoshmërisht lidhen drejtpërdrejt me sigurinë dhe mbrojtjen.
