“Koalicioni qeverisës ka akoma potencial të lartë të pashfrytëzuar. Arritjet nuk kanë vend për vetëkënaqësi” tha kreu i LSI Ilir Meta në Konventën e kësaj partie.
“Koalicioni ynë ka akoma potencial të lartë po të pashfrytëzuar ende për të krijuar energji dhe dinamik të lartë për përballimin e sfidave zhvillimore. Janë shënuar mjaft arritje po në asnjë rast nuk ka vend për vetëkanqësi”, është shprehur Meta.
LSI ka mbledhur Konventën ku shpalos programin e saj. Nën moton “Një shans për të gjithë”, Meta tha se forca që lidh LSI me qytetarët është transparenca dhe llogaridhënia përballë qytetarëve.
“Kritika dhe modestia janë forca e madhe për të ecur përpara. LSI ka qënë është dhe do të jetë një parti që është diskutuar dhe debatuar me ide dhe çështje që na shqetësojnë” është shprehur Meta.
