Presidenti i vendit Ilir Meta vlerësoi pozitivisht vendimin e qeverisë për shpalljen e ”gjendjes së jashtëzakonshme” në Tiranë e Durrës si pasojë e dëmeve të mëdha të shkaktuara nga tërmeti i mëngjesit të djeshëm.
Meta ka zhvilluar sërish një takim në qytetin e Durrësit ku inspektoi nga afër punën e forcave të shpëtimit.
Ai theksoi se do të bëhet vlerësimi i dëmeve materiale të shkaktuara dhe më pas përllogaritja e saaktë e tyre.
”Do të bëhet një vlerësim total, kjo kërkon kohë sepse nuk mund të shmanget vëmendja nga kërkimet. Pastaj në mënyrë më transparente do bëhet edhe përllogaritja.
Fakti që është shpallur ‘gjendja e jashtëzakonshme’ është një hap pozitiv i angazhimit në këtë drejtim.
Reagimi ka qenë i menjëhershëm i jashtëzakonshme nga të gjitha vendet. Me ndihmën e tyre të përfundojmë dhe të kemi një bilanc. Ndihma nga Kosova ishte e shkëlqyer, e konsiderueshme”, shprehet Meta.
