Presidenti i Republikës Ilir Meta ka vendosur kurorë me lule në memorialin për nder të heroit të demokracisë Azem Hajdarit, liderit të lëvizjes studentore në 21-vjetorin e vrasjes së tij.
Meta theksoi ndër të tjera se lëvizja studentore e prirë nga Azem Hajdari e rivendosi vendin në rrugën e duhur të demokracisë dhe pluralizmit politik, të zgjedhjeve të lira dhe të ndershme që duhen mbrojtur me çdo çmim.
“Sot ishte një detyrim për ta nisur ditën me nderimin e kujtimit të përjetshëm të Azem Hajdarit, të liderit të lëvizjes studentore që solli pluralizmin politik në Shqipëri sepse 12 dhjetori është dita më e rëndësishme në historinë e Shqipërisë që ndan dy epoka dhe që e rivendosi vendin tonë në rrugën e duhur të demokracisë, lirisë dhe të drejtave të njeriut dhe kuptohet të pluralizmit politik, të zgjedhjeve të lira dhe të ndershme që janë kolona vertebrore e çdo sistemi demokratik dhe duhen mbrojtur me çdo çmim”, deklaroi Meta.
