Presidenti Ilir Meta deklaroi nga Durrësi në një prononcim për gazetarët se e vetmja gjë që e shqetëson është data 17 dhe 18 Tetor kur edhe do të jepet vendimi për nisjen apo jo të negociatave të Shqipërisë me Bashkimin Europian.
Meta iu përgjigjur interesit të gazetarëve se, a e shqetëson fakti se ndaj tij është ngritur një Komision Hetimor Parlamentar për gjetjen e shkeljeve të tij dhe për rrjedhojë për të realizuar shkarkimin nga posti i Presidentit.
“Nuk kam asnjë shqetësim për asnjë komision hetimor dhe për asnjë gjykatë apo sistem drejtësie që të gjykojë vendimet e mia. I vetmi shqetësim është data 19 Tetor. Çfarë do t’iu themi shqiptarëve? Do t’ju themi na e kishte fajin Luli dhe Mona?
Nëse Maqedonia ecën përpara nesh në Tetor, atëherë ku janë aspiratat e shqiptarëve dhe të rinjve shqiptarë. Për mua ka rëndësi 17 dhe 18 Tetori. Kemi futur miq të fortë që të kalojmë nga Qershori që të na japin përgjigje pozitive në Tetor. Nuk mund të arrijmë integrimin me qoka ndaj ndërkombëtarëve”, u shpreh Meta.
