Deputeti i PS, Musa Ulqini ka deklaruar se opozita shikon ëndrra me sy hapur se Ilir Meta do ti bashkohët kësaj force politike.
Në një intervistë për Ora News, Ulqini tha se kjo nuk është seriozë për Partinë Demokratike, pasi partia nuk motivon as militantët e saj.
Deputeti socialist tha se koalicioni me LSI është strategjik dhe reformat e ndërmarra deri tani nuk do të realizoheshin pa këtë forcë politike.
“Ne e ftojmë opozitën në parlament, e fton Meta, e ftojnë ndërkombëtarët. I ftojmë të shkojnë në komisionin parlamentar. Çështjet zgjidhen me dialog jo me ultimatume. Ne nuk i marrim me forcë dhe ti sjellim në parlament. Askush nuk e mbështet atë që po bën lidershpi”, tha Ulqini.
Ulqini tha se protesta e opozitës po bëhet në një kohë kur pritet të ngrihen komisionet e vettingut dhe kjo sipas tij po bëhet për të bllokuar reformën në drejtësi.
