Kryetarja e LSI-së Monika Kryemadhi u shpreh se sot protestohet kundër politikave diskriminuese të kryeministrit Rama.
Ndërsa i bashkohet protestës në bulevardin Dëshmorët e Kombit, Kryemadhi reagoi edhe lidhur me vendimin e kreut të shtetit, Ilir Meta, bashkëshort i saj, për anulimin e dekretit për zgjedhjet e 30 qershorit, ku e mohoi kategorikisht se ka ndikuar në vendimin e tij.
“Për mua nuk ka rëndësi bëhen apo jo zgjedhjet, ndryshon apo nuk ndryshon data. Ky njeri duhet të ikë se ku njeri ka ardhur nga votat e krimit. Nuk kam ndikuar fare në vendimin e tij, qëkur kam ikur për tu operuar kam dy javë pa e takuar. Nuk kemi biseduar fare. Protestat do të vijojnë nuk ka dialog me Ramën kryeministër. Nuk kam kohën që të harxhoj çfarë thotë Rama. ne jemi këtu për tju thënë që shumica e shqiptarëve pa dallim bindjesh politike janë kundër politikave të tij diskriminuese. Ta harrojë politikën, politika ka marrë fund në Shqipëri.”, tha Kryemadhi nga protesta e opozitës.
