Policia ka finalizuar operacionin antidrogë të koduar “Mesnata”, që ka çuar kapjen e 725 kg e 200 gr lëndë narkotike “Cannabis Sativa” si dhe dy automjeteve.
Operacioni është zhvilluar në lagjen ”24 Maji”, në një banesë 4 katëshe, aty ku uniformat blu arrestuan në flagrancë dy shtetas, Artan Kalemi, 34 vjeç dhe Xhemil Kalemi, 41 vjeç, të dy banues në Vlorë.
Sikurse behet me dije ne njoftimin e policisë njëkohësisht në bashkëpunim me Prokurorinë, Sektori për Hetimin e Krimit Ekonomik e Financiar në D.V.P.Vlorë po vijojnë verifikimet dhe veprimet, me qëllim sekuestrimin e vilës dhe një ambienti biznesi, për të cilat dyshohet se janë përfituar nga aktiviteti kriminal në fushën e narkotikëve.
