Një video që tregon shkuljen e rrënojave arkeologjike ka shkaktuar revoltën e Mesila Dodës.
I gjithë sheshi i ndërtimit është i bllokuar me urdhër gjykate dhe përmbarimi ka vendosur sekuestron duke vendosur dhe shiritin sinjalizues. Kjo do të thotë që asnjë objekt nuk mund të shkulet që aty, qoftë topi osman. Në pamje është pikërisht topi që shkulet me vinç për t’ju nënshtruar analizave përkatëse dhe më pas të ekspozohet në muze.
Deputetja dëshmon katastrofën, ndërsa ka një mesazh të mprehtë për ministren e Kulturës Mirela Kumbaro, Prokurorin e Përgjithshëm Adriatik Llalla dhe ambasadorët që shërbejnë në Shqipëri.
Më poshtë mesazhi i saj i plotë:
Ky është turp i paparë! Mirela Kumbaro hapi sytë dhe vepro, se kjo është e turpshme. Adriatik Llalla mos fol më për punën e përkushtuar të prokurorisë, ja ku e ke veprën penale ditën për diell…
Ambasadorë të nderuar… këto janë akte të shëmtuara si ato të shkatërrimit të Palmirës. Kjo është trashëgimi botërore dhe asnjë brez nuk mund të amnistojë këtë xhahil e shkatërrim që i bëhet trashëgimisë botërore.
Dëshpërim, kur i sheh gjithë institucionet që rrijnë e vështrojnë një xhahil të qytetit të vet. Durr
ësi meriton më shumë. Ky është turpi në fytyrën e qytetit dhe pafuqia e gjithë njerëzve normalë përballë ligësisë.
