Komisioni i Posaçëm i Reformës është dorëzuar dhe e ka rrëzuar nenin 18, i cili i hapte udhë martesave homoseksuale. Kjo betejë ishte bërë shumë e ashpër, falë ligjvënësve të PDIU-së. Kjo është fitore e rëndësishme për ta dhe është komunikuar në rrjetet sociale nga deputetja Mesila Doda.
Më poshtë mesazhi i saj i plotë:
Lajm i mirë
Me kërkesën e PDIU dhe këmbënguljen tonë të parreshtur, sot u shfuqizua nga Komisioni i Posaçëm i Reformës ndryshimi i Kushtetutës që i hapte rrugën legalizimit të martesave gay. Kjo do të thotë se së bashku arritëm të ndalonim një ndryshim që mund të sillte një strukturë tjetër sociale, larg modelit të familjes natyrale e tradicionale. Falenderoj me këtë rast gjithë kolegët tanë deputetë që u bashkuan në kauzën “Pro Familjes Natyrale”, krerët e religjioneve dhe besimtarët, familjarët, të rinjtë e të rejat që konsiderojnë modelin tonë familjar, atë burrë-grua dhe që përkrahën këtë vizion të shëndetshëm të shoqërisë sonë.
#PDIU #profamiljesnatyrale
