Mes vallesh e tingujsh folklorik ka nisur ceremonia për përurimin e sheshit “Skënderbej”.
I mbushur plot, nga shqiptarë të të gjitha trevave dhe të huaj kureshtarë, sheshi më i madh i shqipatrëve çel kështu një epokë të re të jetës publike të kryeqytetit.
Në fjalën e tij kryebashkiaku Veliaj tha se është sheshi i të gjithë shqiptarëve kurse Tiranën e cilësoi si qytetin më të mirë në mesdhe. “Ky shesh do të jetë 28 mijë kilometër katrorë, aq sa është e gjithë Shqipëria”, tha Veliaj.
Vertebër të shtyllës kurrizore të Tiranës së gjeneratës tjetër e cilësoi kryeministri Rama sheshin.
Të shumtë kanë qenë vizitorët që gjatë gjithë ditës kanë parë me kureshtje sheshin, në kërkim të gurëve e pllakave të vendeve të tyre.
Mozaiku i sheshit sot ka qenë i plotë, gurë, pemë, këngë e valle dhe mbi të gjitha shqiptarë të çdo vendi që ishin të gatshëm për t’i shijuar të gjitha këto.
